महाराष्ट्र न्यूज वन प्रतिनिधी कोल्हापूर : लहान मोठ्या आकारातील विविध जातीची कंदमुळे, औषधी वनस्पती आणि त्यांची उपयुक्तता हे सारे उलगडून दाखवणारा उत्सव कोल्हापुरात भरला आहे. एनजीओ कंपेशन २४ वुई केअर यांच्या पुढाकाराने हे अनोखे प्रदर्शन भरविले आहे.
या दोन दिवसीय प्रदर्शनाचे उद्घाटन शनिवारी (२० जानेवारी २०२४) सकाळी करण्यात आले. दसरा चौक येथील श्री शहाजी छत्रपती महाविद्यालयाच्या यशवंतराव चव्हाण सभागृहात प्रदर्शन आहे. शिवाजी विद्यापीठाचे कुलसचिव व्ही.एन. शिंदे, प्रांताधिकारी बाबासाहेब वाघमोडे, संयोजक मिलिंद धोंड, प्राचार्य मधुकर बाचूळकर, प्राचार्य अशोक वाली, शहाजी कॉलेजचे प्राचार्य राजेखान शानेदिवाण, प्रोजेक्ट समन्वयक सुशांत टक्कळकी, सहमन्वयक अमृता वासुदेवन, मोहन माने, भूषण पाटील, आरती रायगांधी, अभिजीत पाटील आदींच्या उपस्थितीमध्ये प्रदर्शनाचे उद्घाटन झाले. या प्रदर्शनात सत्तरहून अधिक जातीची कंदमुळे, औषधी वनस्पतींच्या १६० जाती पहावयास मिळतात. वेगवेगळ्या भागातून कंदमुळे संकलित केले आहेत. प्रदर्शन पाहण्यासाठी विद्यार्थी व नागरिकांची गर्दी होत आहे. खासदार धनंजय महाडिक यांनी शनिवारी दुपारी प्रदर्शन स्थळी भेट दिली. हे प्रदर्शन रविवार 21 जानेवारी सायंकाळी सहापर्यंत खुले राहणार आहे. प्रवेश विनामूल्य आहे.