महाराष्ट्र न्यूज वन प्रतिनिधी, कोल्हापूर : शिवाजी पेठेतील फिरंगाई देवीचा पालखी सोहळा शुक्रवारी (२६ एप्रिल) रात्री उत्साहात पार पडला. देवीच्या पालखी सोहळयाला भाविकांनी मोठी गर्दी केली होती. आकर्षक रांगोळया, फुलांच्या पायघडया, फटाक्यांची आतषबाजी आणि फिरंगाई देवीच्या नावानं चांगभलं…अशा जयघोषात पालखी सोहळा पार पडला. पालखीची फुलांनी सजावट केली होती. फिरंगाई तालीम मंडळतर्फे आयोजन केले होते.
रात्री नऊ वाजण्याच्या सुमारास पालखी सोहळयाला प्रारंभ झाला. मधुरिमाराजे छत्रपती व शिवसेनेचे संपर्कप्रमुख अरुण दुधवडकर यांच्या हस्ते पालखीचे पूजन झाले. चांगभलंच्या गजरात पालखी मार्गस्थ झाली. कोंडेकर गल्ली, फिरंगाई तालीम, विद्यार्थी कामगार चौक, वेताळमाळ चौक, इंगवले गल्ली, लाल चौक ते फिरंगाई मंदिर या मार्गे पालखी मिरवणूक काढण्यात आली.
फिरंगाई तालीम मंडळाचे अध्यक्ष रविकिरण इंगवले, माजी नगरसेविका तेजस्विनी इंगवले, जयश्री चव्हाण, आबासाहेब जगदाळे, रावसाहेब इंगवले, उमेश पाटील, राकेश जगदाळे, राजू घोरपडे, प्रताम माने, राहुल इंगवले, ऋषी इंगवले, सौधन अपराध, चंद्रदीप नवरुखे, ऋग्वेदा इंगवले, सचिन कारंडे, रोहिणी वाकडे, नेहा इंगवले, बाळासाहेब ठोंबरे, डॅनी इंगवले, विश्वास पोवार, सचिन मांगले, बाजीराव नाईक यांच्यासह भाविक मोठया संख्येने पालखी सोहळयात सहभागी झाले.