महाराष्ट्र न्यूज वन प्रतिनिधी, कोल्हापूर : कोल्हापूरचे खासदार शाहू छत्रपती यांच्या अध्यक्षतेखाली कोल्हापूर विमानतळ सल्लागार समितीच्या सदस्यपदी उद्योजक व माई ह्युंदाईचे कार्यकारी संचालक तेज घाटगे यांची नियुक्ती करण्यात आली आहे. विमानतळ सल्लागार समितीपदासाठी घाटगे यांच्या नावाची शिफारस खासदार शाहू महाराज यांनी केली. घाटगे ग्रुपचे संचालक असलेले घाटगे हे विविध संस्था, संघटनांशी निगडीत आहेत. उद्योग- व्यवसाय, दळणवळण, पायाभूत सुविधा, पर्यटन अशा विविध क्षेत्रात कार्यरत आहेत. सामाजिक उपक्रमात पुढाकार असतो. उद्योजक तेज घाटगे यांनी खासदार शाहू महाराज यांची भेट घेऊन आभार मानले.