महाराष्ट्र न्यूज वन प्रतिनिधी, कोल्हापूर : ‘ केमिस्ट सभासदांनी आपल्या व्यवसायात होणाऱ्या बदलांचे अनुकरण करवून अपग्रेड व्हावे. केमिस्ट असोसिएशन कोल्हापूरच्या सभासदाभिमुख योजना व विविध उपक्रमांना पाठबळ देऊ ’अशी ग्वाही अखिल भारतीय औषध विक्रेता संघटना व महाराष्ट्र राज्य औषध विक्रेता संघटना अध्यक्ष जगन्नाथ शिंदे यांनी केले.
कोल्हापूर जिल्हा केमिस्ट असोसिएशनची २०२३-२४ ची वार्षिक सर्वसाधारण सभा खेेळीमेळीच्या वातावरणात पार पडली. महासैनिक दरबार हॉल येथे सभा झाली. या सभेत शिंदे बोलत होते. याप्रसंगी केमिस्ट असोसिएशन कोल्हापूरतर्फे शिंदे यांचा अमृतमहोत्सवी वाढदिवसानिमित्त सत्कार करण्यात आला. सभेमध्ये संस्थेतर्फे दिल्या जाणाऱ्या पुरस्कारांचे वितरण करण्यात आले. सभेसाठी १८०० पेक्षा जास्त संख्येने सभासद उपस्थित होते. विषय पत्रिकेवरील सर्व विषय मंजूर झाले. असोसिएशनचे अध्यक्ष मदन पाटील यांनी भाषणात सस्थेच्या कार्याचा आढावा घेतला. संस्थेकडून सभासदांसाठी पुढील काळाता हाती घेतलेल्या कामाची माहिती दिली. महाराष्ट्र राज्य औषध विक्रेता संघटना अध्यक्ष शिंदे यांच्या अमृतमहोत्सवानिमित्त वर्षभर विविध सामाजिक उपक्रम राबविण्याचे सभेत ठरले. यामध्ये संघटनेच्या माध्यमातून, सभासद व त्याच्या कुटुबियांसाठी मोफत आरोग्य तपासणी शिबीराचे आयोजन करणे,वैद्यकीय उपचार कमीत कमी खर्चात मिळावेत यासाठी प्रयत्न करणे, गरजू गरीब रुग्णांना मोफत औषध पुरवठा, मोफत आरोग्य शिबिरांचे आयोजन व मोफत औषध पुरवठा,सामाजिक वनीकरण ,अत्यावश्यक गरीब रुग्णास रक्त पुरवठा,अंध व्यक्तीना अत्यावश्यक साधने पुरवणे ,पायी दिंडी मध्ये जाणाऱ्या वारकऱ्याना लागणारी औषध पुरवठा अशा उपक्रमांचा समावेश आहे.
याप्रसंगी प्रसाद दानवे, विजय पाटील, दिलीप कदम, रवींद्र पाटील, शशिकांत खोत, शिवाजी ढेंगे, किरण जाधव, संदीप मिसाळ, सदा पाटील, मोहन ढेरे, सचिन पाटील, अशोक बोरगांवे, महेश सावंत, भुजिंगराव भांडवले यांची प्रमुख उपस्थिती होती. असोसिएशनचे सचिव प्रल्हाद खवरे यांनी प्रास्ताविक केले. शीतल कांबळे व दीपक वाडकर यांनी सूत्रसंचालन केले. उपाध्यक्ष संदीप मिसाळ यांनी आभार मानले.