महाराष्ट्र न्यूज वन प्रतिनिधी, कोल्हापूर : शुक्रवारची रात्रीची वेळ, रामानंदगर चौकात वाहतुकीची प्रचंड कोंडी झाली होती. वाहनांचा लांब रांगा लागल्या होत्या. या दरम्यान या भागातून जात असताना आमदार सतेज पाटील यांना लोकांची गर्दी आणि वाहतुकीची कोंडी दिसली. आमदार पाटील हे चटकन मोटारीतून उतरत चौकात पोहोचले. आणि वाहतूक सुरळीत करण्यास सुरुवात केली.आमदार पाटील यांनी दाखवलेली ही तत्परता लोकांना भावली.
आमदार पाटील हे स्थायी समितीचे माजी सभापती शारंगधर देशमुख यांच्या वाढदिवस कार्यक्रमासाठी जात होते. रात्री साडेसात वाजण्याच्या सुमारास रामानंदनगर चौकातील गर्दी पाहून स्वतः मोटारीतून खाली उतरले. आणि त्यांनी ट्रॅफिक सुरळीत करण्यास सुरुवात केली .
काही वेळातच त्यांचे कार्यकर्ते दुर्वास कदम, सुयोग मगदूम, सतीश जाधव हे सुद्धा त्या ठिकाणी आले आणि त्यांनी सुद्धा यामध्ये सहभाग घेतला. इतक्यात पाच ते सहा पोलीस ठिकाणी पोहोचले. वाहतूक सुरळीत केली.