महाराष्ट्र न्यूज वन प्रतिनिधी, कोल्हापूर : कोल्हापूर जिल्हा परिषदेचे मुख्य कार्यकारी अधिकारी संतोष पाटील यांची बदली करण्यात आली. पुणे जिल्हा परिषदेच्या मुख्य कार्यकारी अधिकारीपदी पाटील यांची नियुक्ती करण्यात आली आहे. त्यांच्या बदलीने रिक्त झालेल्या कोल्हापूर जिल्हा परिषदेच्या मुख्य कार्यकारी अधिकारीपदी कार्तिकेयन एस यांची नियुक्ती करण्यात आली आहे. राज्य सरकारच्या सामान् प्रशासन विभागाने यासंबंधी आदेश काढला आहे. पाटील यांनी आपल्या पदाचा सध्याचा कारभार विभागीय आयुक्त पुणे विभाग यांच्या सल्ल्याने अन्य अधिकाऱ्यांकडे सोपवून नवीन पदाचा कार्यभार त्वरित स्वीकारावा असे आदेशात म्हटले आहे. पुणे जिल्हा परिषदेचे मुख्य कार्यकारी अधिकारी आर. एस. चव्हाण यांच्या जागी पाटील यांची बदली झाली आहे. जुलै २०२३ मध्ये पाटील यांची कोल्हापूर जिल्हा परिषदेच्या सीईओपदी नियुक्ती झाली होती. आठ महिन्यातच त्यांची बदली झाली.