महाराष्ट्र न्यूज वन प्रतिनिधी कोल्हापूर : कोल्हापूर जिल्हा परिषदेचे मुख्य कार्यकारी अधिकारी कार्तिकेयन एस यांनी कार्यभार हाती घेतला. बुधवारी सकाळी त्यांनी सूत्रे स्वीकारल्यानंतर दुपारच्या सत्रात मुख्यालयातील विविध विभागांना भेटी दिल्या. अधिकाऱ्यांच्या कडून माहिती जाणून घेतली. दरम्यान सीईओंनी प्रत्येक विभागाला भेटी द्यायला सुरुवात केल्यानंतर अधिकारी आणि कर्मचाऱ्यांची धावपळ उडाली. ऑफिस अपडेट ठेवण्यापासुन ते फायली ठीकठाक करण्यापर्यंत सारेच कमालीचे सक्रिय झाले.
सीईओ कार्तिकेयन एस यांनी विविध भागांना भेटी देताना तेथील अडचणी जाणून घेतल्या. अधिकाऱ्यांना काही सूचना केल्या. यावेळी त्यांच्यासोबत अतिरिक्त मुख्य कार्यकारी अधिकारी अजयकुमार माने, जिल्हा ग्रामीण विकास प्रकल्प संचालक सुषमा देसाई, सामान्य प्रशासन विभागाच्या उपमुख्य कार्यकारी अधिकारी मनीषा देसाई आदी उपस्थित होते. सीईओ कार्तिकेने मुख्यालयातील चारही मजल्यातील विविध विभागांना भेटी दिल्या. अधिकाऱ्यांच्याकडून माहिती घेतली. विविध विभागांना भेट देताना एक- दोन ठिकाणी त्यांनी स्वच्छतागृहांची पाहणी केली. स्वच्छतेसंबंधी सूचनाही केल्या.