महाराष्ट्र न्यूज वन प्रतिनिधी, कोल्हापूर : लोकसभा निवडणुकीसाठी अधिकाधिक जणांचा पाठिंबा मिळवण्यासाठी महायुती आणि महाविकास आघाडीत चढाओढ पाहावयास मिळत आहे. महायुतीने दोनच दिवसापूर्वी कोल्हापूर शहरातील १०५ उमेदवारांचा पाठिंबा असल्याचे जाहीर केले. त्यावर कुरघोडी करत महाविकास आघाडीने बुधवारी २२८ माजी  नगरसेवकांचा पाठिंबा शाहू महाराजांना असल्याचे घोषित केले. या नगरसेवकांनी शाहू महाराजांना पाठिंबा देत त्यांना निवडून आणण्याचा निर्धार केला. सतरा माजी महापौर यावेळी उपस्थित होते. 

 शाहू छत्रपती म्हणाले, कोल्हापूरातील माजी महापौर आणि माजी नगरसेवकांनी मला पाठिंबा दिला त्याबद्दल मी सर्वांचा आभारी आहे. यापुढे कोल्हापूरच्या विकासासाठी आपल्याला सर्वांना एकत्र यायचे असून कोल्हापूरच्या विकासातील कोणत्या मुद्द्यांना प्राधान्य द्यायचे यासाठी नगरसेवकांचा सल्ला महत्वाचा ठरणार आहे. नगरसेवकांनी भरपूर कामे केली असून त्यातील एकादे काम राहिले असेल तर त्याचा पाठपुरावा केला जाईल.  यावेळी माजी उपमहापौर प्रार्थना समर्थ, राजू लाटकर यांनी मनोगत व्यक्त केले. सुनील मोदी यांनी प्रास्ताविक केले.

...................................................

शाहू छत्रपतींनी सांगितल्या नगरसेवकांच्या आठवणी