महाराष्ट्र न्यूज वन प्रतिनिधी, कोल्हापूर :महाराष्ट्राचे पहिले मुख्यमंत्री स्वर्गीय यशवंतराव चव्हाण यांच्या जयंतीनिमित्त प्रतिष्ठानतर्फे जिल्हा परिषद आवारात उभारलेल्या पूर्णाकृती पुतळ्यास अभिवादन करण्यात आले. यशवंतराव चव्हाण प्रतिष्ठान व जिल्हा परिषद यांच्या संयुक्त विद्यमाने प्रतिष्ठानचे अध्यक्ष व्ही बी पाटील जिल्हा परिषदेचे अतिरिक्त मुख्य कार्यकारी अधिकारी अजय माने यांच्या हस्ते पुतळयास पुष्पहार अर्पण करण्यात आले.
याप्रसंगी प्रकल्प संचालक सुषमा देसाई, सामान्य प्रशासन विभागाच्या उपमुख्य अधिकारी मनीषा देसाई महिला बालकल्याण अधिकारी शिल्पा पाटील, प्रतिष्ठानचे अशोक पोवार, रमेश मोरे, राजाभाऊ मालेकर, महादेव पाटील, फिरोज खान, अनिल घाडगे, विनायक मुळे, सुरेश कदम, रामभाऊ कोळेकर आदी उपस्थित होते. याप्रसंगी मेन राजाराम ज्युनिअर कॉलेजच्या प्रा .सुषमा पाटील यांनी याप्रसंगी यशवंतराव चव्हाण यांच्या कार्यकर्तुत्वाला उजाळा दिला.