महाराष्ट्र न्यूज वन प्रतिनिधी, कोल्हापूर : माजी आमदार अमल महाडिक यांनी पर्यटन विकास आराखडा अंतर्गत दक्षिणसाठी तब्बल सव्वा दोन कोटी रुपयांचा निधी मंजूर करुन आणला आहे.
या निधीतून निगवे खालसा येथील नृसिंह सरस्वती स्वामी मंदिराजवळ रस्ते आणि गटारी करण्यासाठी २५ लाख रुपये, गिरगाव येथील रेणुका माता मंदिराचा विकास करण्यासाठी ५० लाख, गडमुडशिंगी येथील धुळसिद्ध बिरदेव मंदिराच्या आवारात प्रसाद मंडप उभारण्यासाठी ५० लाख, कंदलगाव येथील हनुमान मंदिराकडे जाणारा रस्ता करण्यासाठी ५० लाख आणि नेर्ली येथील बिरदेव मंदिर परिसरामध्ये आरसीसी कंपाउंड आणि रस्ता करण्यासाठी ५०लाख रुपयांचा निधी मंजूर झाला आहे. या निधीतून लवकरच विकास कामांचा शुभारंभ होणार आहे. पर्यटन स्थळांच्या विकासासाठी निधी प्राप्त करून देण्यासाठी इथून पुढच्या काळातही प्रयत्नशील राहणार असल्याचे महाडिक यांनी सांगितले.