महाराष्ट्र न्यूज वन प्रतिनिधी कोल्हापूर : 

रेखासम्राट टी. के. वडणगेकर यांच्या २३ व्या स्मृतिदिनानिमित्त ‘गुरु शिष्य’ उपक्रमांतर्गत कलाप्रदर्शनाचा प्रारंभ १५ मार्च रोजी सकाळी १०.३० वाजता शाहू स्मारक भवन दसरा चौक येथे होणार आहे. या सोहळ्यात के. आर. कुंभार उपक्रमशील युवा कलाकार पुरस्कार शिल्पकार ओंकार कोळेकर यांना जाहीर करण्यात आला आहे.

ओंकार कोळेकर यांनी शिल्पकार म्हणून अनेक लक्षणीय शिल्पे घडवली आहेत. पंजाब येथे छत्रपती शिवाजी महाराजांचा पुतळा, अहमदनगर येथे राजर्षी शाहू महाराजांचा पुतळा, खेतवाडी मुंबई येथे राजर्षी शाहू स्मृती स्मारक, कोल्हापूरातील राजर्षी शाहू जन्मस्थळ येथे शाहू कार्यावरील शिल्प, अंबारीसह भव्य हत्ती, कोकरुड येथील शिवाजीराव देशमुख यांचा पुतळा, कोल्हापूर येथील अहिल्यादेवींच्या पुतळा यासह अनेक पुतळे साकारले आहेत. त्याबद्दल त्यांना पुरस्कार देऊन गौरवण्यात येत आहे. कलाप्रदर्शनामध्ये विजय टिपुगडे, विलास बकरे, शिवाजी मस्के, मनोज दरेकर,संतोष पोवार, नागेश हंकारे, बबन माने, अभिजीत कांबळे, प्रविण वाघमारे, गजेंद्र वाघमारे, शैलेश राऊत, किशोर राठोड,राहूल रेपे, विजय उपाध्ये, अरिफ तांबोळी, प्रकाश मोहिते, नवज्योत काळे, सर्वेश देवरूखकर, पुष्कराज मेस्त्री, शुभम कुंभार, ओंकार कोळेकर, इंद्रजित बंदसोडे, पुनम राऊत, सुदर्शन वंडकर यांच्या कलाकृतींचा समावेश आहे. हे प्रदर्शन दि. १५ ते २१ मार्च या कालावधीत सर्वासाठी खुले राहणार आहे.