महाराष्ट्र न्यूज वन प्रतिनिधी, कोल्हापूर : वेस्टर्न इंडिया फुटबॉल असोसिएशन आयोजित महाराष्ट्र राज्य सब-ज्युनिअर बॉईज फुटबॉल अजिंक्यपद स्पर्धा शिरपूर धुळे येथे २३ ते २९ मे या कालावधीत होणार आहे.
या अजिंक्यपद स्पर्धेसाठी के एस ए कोल्हापूर जिल्हा सब-ज्युनिअर बॉईज फुटबॉल संघ पाठवण्यात येणार आहे. याकरिता के. एस. ए च्या वतीने शनिवारी ११मे मे रोजी सकाळी साडे सहा वाजता छत्रपती शाहू स्टेडियम येथे घेण्यात येणार आहे.
तरी ज्या फुटबॉल खेळाडू मुलांची जन्मतारीख एक जानेवारी २०११ ते ३१ डिसेंबर २०१२ या दरम्यानची आहे, त्या मुलांनी निवड चाचणीसाठी फुटबॉल किटवर व जन्म दाखल्याच्या सत्यप्रत प्रमाणपत्रासह ११ मे रोजी सकाळी साडेसहा वाजता छत्रपती शाहू स्टेडियम येथे उपस्थित राहावे. असे आवाहन कोल्हापूर स्पोर्ट्स असोसिएशनच्या वतीने करण्यात येत आहे.