महाराष्ट्र न्यूज वन प्रतिनिधी कोल्हापूर : कोल्हापूर लोकसभा मतदारसंघासाठी चुरशीने मतदान होत आहे. जिल्ह्यात सकाळी सात ते अकरा वाजेपर्यंत 23.77 टक्के मतदान झाले आहे. कोल्हापूर लोकसभा मतदारसंघांमध्ये महायुतीचे विद्यमान खासदार संजय मंडलिक आणि महाविकास आघाडीचे उमेदवार शाहू छत्रपती यांच्यामध्ये प्रमुख लढत आहे. महायुती आणि महाविकास आघाडी या दोघांनीही ही निवडणूक प्रतिष्ठेची केली आहे गेले महिनाभर जिल्ह्यात प्रचाराचे रान उठले होते. राजाने राष्ट्रीय पातळीवरील नेत्यांच्या सभांनी वातावरण ढवळून निघाले होते. सकाळी 11 वाजेपर्यंत चंदगडमध्ये 20.56 टक्के, कागल 23.18 टक्के, करवीर 31.95 टक्के, कोल्हापूर उत्तर 23.24 टक्के, कोल्हापूर दक्षिण 22.55 टक्के आणि राधानगरी 21.49 टक्के इतके मतदान झाले आहे.