महाराष्ट्र न्यूज वन प्रतिनिधी कोल्हापूर : कोल्हापूर जिल्हा माध्यमिक शिक्षण सेवकांची सहकारी पतसंस्था मर्यादित कोल्हापूर या संस्थेचा सभासदांच्या गुणवंत पाल्यांचा पारितोषिक वितरण समारंभ व 'मुख्यमंत्री माझी शाळा, सुंदर शाळा अभियान' पुरस्कार प्राप्त शाळांचा सन्मान करण्यात आला. स्वामी विवेकानंद कॉलेज परिसरात  डॉ बापूजी साळूंखे स्मृती भवन कोल्हापूर येथे नुकताच हा कार्यक्रम झाला.समारंभाच्या अध्यक्षस्थानी ॲड. धनजंय पठाडे होते.

प्रमुख पाहुणे  म्हणून विशेष लेखाधिकारी किरण पाटील, विवेकानंद शिक्षण संस्थेचे सीईओ कौस्तुभ गावडे, जिल्हा परिषद माध्यमिक शिक्षण विभागाच्या शिक्षण विस्तार अधिकारी जयश्री जाधव, कोल्हापूर जिल्हा मुख्याध्यापक संघाचे चेअरमन राहुल पवार उपस्थित होते.

पतसंस्थेचे तज्ञ संचालक दादासाहेब लाड यांनी कोजिमाशि पतसंस्थेच्यावतीने राबविण्यात येत असलेल्या विविध सभासद हिताच्या योजनांची माहिती सांगितली. कर्जमुक्ती योजना, गुणवंत विद्यार्थी सत्कार व भक्कम आर्थिक प्रगतीचा आढावा  घेतला. यावेळी कोल्हापूर जिल्ह्यातील ' मुख्यमंत्री माझी शाळा  सुंदर शाळा ' पात्र ४० शाळांना मानपत्र, भिंतीवरील घड्याळ, प्लास्टिक समृद्धीची बादली देऊन सत्कार करण्यात आला. यावेळी मयत सभासदांचे वारसाना कर्ज मुक्ती योजनेतून कर्ज माफी प्रमाणपत्र प्रदान करण्यात आले. दहावी - बारावी परीक्षा गुणवंत विद्यार्थी, शिष्यवृत्ती प्राप्त विद्यार्थी,  शासकीय स्पर्धा राज्य व राष्ट्रीय स्तर खेळाडूचा सत्कार पारितोषिक ,सन्मानचिन्ह व रोख १००० रुपये देऊन  सुमारे ३०३ विद्यार्थ्याना सन्मानित करण्यात आले. कार्यक्रमाचे अध्यक्ष पठाडे म्हणाले, कोजिमाशि पतसंस्थेने सभासद हिताच्या अनेक योजना राबवून आदर्शवत कारभार केला आहे असे प्रतिपादन केले  
   कोजिमाशिचे चेअरमन राजाराम शिंदे, व्हाइस चेअरमन शरद तावदारे, सीईओ जयवंत कुरडे,  संचालक लक्ष्मण डेळेकर, अनिल चव्हाण, डॉ. डी एस घुगरे, राजेंद्र रानमाळे,श्रीकांत कदम, दिपक पाटील, मनोहर पाटील, सचिन शिंदे, ऋतुजा पाटील, मदन निकम , प्रकाश कोकाटे, श्रीकांत पाटील , उत्तम पाटील,  पाडूरंग हळदकर, अविनाश चौगले, सुभाष खामकर, जितेंद्र म्हैशाळे, राजेन्द्र  पाटील, शितल हिरेमठ, तज्ज्ञ संचालक आनंदा व्हसकोटी, उत्तम  कवडे यांच्या उपस्थितीमध्ये कार्यक्रम झाला.  एस पी पाटील यांनी सूत्रसंचालन केले.