![](_MaharashtraNews1/u/pos/202407/1000585158--800.jpg)
महाराष्ट्र न्यूज वन प्रतिनिधी, कोल्हापूर : कोल्हापूर सिटी क्रिमिनल कोर्ट प्रॅक्टिशनर्स बार असोसिएशनच्या अध्यक्षपदी अॅड. दत्ताजीराव कवाळे, उपाध्यक्षपदी अॅड. सागर रमेश शिंदे विजयी झाले. सिटी क्रिमिनल बार असोसिएशनच्या २०२४-२५ या वर्षासाठी शुक्रवारी (बारा जुलै २०२४) मतदान झाले. असोसिएशनच्या सभागृहात सकाळी दहा ते सायंकाळी पाच या वेळेत ही प्रक्रिया पार पडली. यानंतर मतमोजणी झाली.
अध्यक्षपदासाठी अॅड. कवाळे व अॅड. सुनील धुमाळ यांच्यात लढत झाली. यामध्ये कवाळे यांना ९५ तर धुमाळ यांना ७० मते मिळाली. कवाळे पंधरा मतांनी विजयी झाले. उपाध्यक्षपदासाठी सागर शिंदे आणि बालाजी दगडू राखुंडे यांच्यात लढत होती. यामध्ये शिंदे यांना ८० तर राखुंडे यांना ६९ मते मिळाली. सचिवपदासाठी अॅड. संदीप पाटील यांचा एकमेव अर्ज दाखल झाल्याने त्यांची बिनविरोध निवड झाली. निवडणूक अधिकारी म्हणून अॅड. एस. बी. मकानदार, अॅड. सोमनाथ नडमने, अॅड. अविनाश रायबागकर, अॅड. प्रकाश पाटील यांनी काम पाहिले.