महाराष्ट्र न्यूज वन प्रतिनिधी, कोल्हापूर : ‘महाविकास आघाडीच्या माध्यमातून जिल्ह्यात सर्वच निवडणुका ताकतीने लढविणार अशी घोषणा आमदार सतेज पाटील यांनी केली. सामान्य माणसाच्या आणि उपनगरांच्या विकासाचा विचार शारंगधर देशमुख मोठ्या ताकदीने पुढे घेऊन जात आहेत, याचा निश्चित आनंद आहे असे गौरवोद्गगार पाटील यांनी काढले.
स्थायी समितीचे माजी सभापती शारंगधर देशमुख यांच्या वाढदिवसानिमित्त कार्यक्रमाचे आयोजन केले होते. खासदार शाहू महाराज, युवराज मालोजीराजे छत्रपती, आमदार ऋतुराज पाटील, आमदार जयश्री जाधव, आमदार जयंत आसगावकर, शिक्षण संस्थाचालक संघटनेचे वसंतराव देशमुख यांच्या प्रमुख उपस्थितीमध्ये हा कार्यक्रम झाला. यावेळी देशमुख यांच्या कार्यपुस्तिकेचे प्रकाशन झाले. सर्वच नेत्यांनी देशमुख यांच्याविषयी गौरवोद्गगार काढले. आपल्या राजकीय प्रवासात शारंगधर देशमुख यांची साथ महत्वपूर्ण ठरल्याचे सतेज पाटील यांनी सांगितले.
याप्रसंगी मराठा महासंघाचे राष्टीय उपाध्यक्ष वसंतराव मुळीक, माजी महापौर निलोफर आजरकेर, माजी उपमहापौर विक्रम जरग, परिक्षीत पन्हाळकर, माजी नगरसेवक मधुकर रामाणे, राहुल माने, अभिजीत चव्हाण, सचिन पाटील, प्रवीण केसरकर, संदीप पाटील, सुयोग मगदूम, शिवानंद बनछोडे, सूरज देशमुख, प्रीती देशमुख, अर्जुन पाटील, किरण पाटील, गुरुप्रसाद जोशी आदी उपस्थित होते.