विशाळगड अतिक्रमणमुक्त करण्यासाठी चौदा जुलैला आंदाेलन झाले. या आंदोलनाला हिंसक वळण लागून वाहनांची तोडफोड झाली.  जाळफोळीचा प्रकार घडला. यावरुन आता आरोप, प्रत्यारोप सुरू आहेत. पोलिस प्रशासनाकडून गुन्हे दाखल करण्यात येत आहेत. खासदार महाडिक यांनी उपमुख्यम्ंत्री फडवणीस यांची भेट घेऊन निवेदन दिले.  आंदोलनात सहभागी असलेल्या काही तरुण शिवभक्तांवर आता पोलिस यंत्रणेने गुन्हे दाखल केले आहेत. सामाजिक शांतता राखण्यासाठी आणि त्या तरुणांचे भवितव्य लक्षात घेऊन, राज्य  सरकारने संबंधित तरुणांवरील गुन्हे तातडीने मागे घ्यावेत अशी मागणी केली आहे.  या मागणीला फडणवीस यांनी सकारात्मक प्रतिसाद दिला. संपूर्ण घटनेची पूर्ण माहिती घेऊन, कोणावरही अन्याय होऊ देणार नाही,असे त्यांनी सांगितले.