महाराष्ट्र न्यूज वन प्रतिनिधी कोल्हापूर: कोल्हापूर मिरज रेल्वे मार्गावर शाहू मार्केट यार्ड जवळ कोयना एक्सप्रेसचा धडकेत आईसह दोन मुली ठार झाल्या. शनिवारी रात्री मॄत्तांची ओळख पटली असून शाहूपुरी पोलीस ठाण्यामध्ये या घटनेची नोंद झाली आहे.
सकीना चंदन मुजावर (वय ४०) फिरदोस चंदन मुजावर (वय २२), अलिशा चंदन मुजावर (वय १०,सर्व रा. भोने माळ इचलकरंजी ) अशी
रेल्वे अपघातातील मयतांची नावे आहेत. शवविच्छेदनानंतर मॄतदेह नातेवाईकांच्या ताब्यात दिले आहेत. अपघाताची घटना शुक्रवारी रात्री साडेआठच्या सुमारास घडली असावी रात्री दहाच्या सुमारास अपघाताची माहिती रेल्वे पोलिसांना मिळाली. त्यानंतर घटनास्थळाचा पंचनामा करण्यात आला होता. रेल्वेच्या धडकेमुळे तिघांचे मृतदेह छिन्नविछिन्न झाले होते .त्यांची ओळख पटवण्यास शनिवारी सायंकाळपर्यंत वाट पाहावी लागली. दरम्यान हा अपघात आहे की आत्महत्या आहे याचा तपास पोलीस करत आहे.