महाराष्ट्र न्यूज वन कोल्हापूर: वारणा येथे झालेल्या सुब्रतो मुखर्जी जिल्हास्तरीय शालेय फुटबॉल स्पर्धेमध्ये १५ वर्षे वयोगट मुलांच्या गटाचे विजेतेपद संजीवन विद्यालय तर १७ वर्षे वयोगटाचे विजेतेपद संजीवन विद्यानिकेतनने पटकावले. जिल्हा क्रीडा परिषद,काेल्हापूर व जिल्हा क्रिडा अधिकारी कार्यालयाने स्पर्धेचे आयोजन केले.
पंधरा वर्षे आतील मुलांच्या गटात अंतिम सामन्यात संजीवन विद्यालय पन्हाळा संघाने शिवराज इंग्लिश मीडियम स्कूल गडहिंग्लज संघाचा पाच विरुद्ध शून्य गोलफरकांनी धुव्वा उडवून अजिंक्यपद पटकावले.संजीवनकडून अविनाशने आणि नरेशने दोन गोल तर मनीमतुम एक गोल केला.
१७ वर्षे मुलांच्या गटात अंतिम सामन्यात संजीवन विद्यानिकेतन पन्हाळा संघाने संजय घोडावत इंग्लिश मीडियम स्कूलचा पाच विरुद्ध शून्यगोलने धुव्वा उडवून विजेतेपद पटकावले.संजीवन विद्यानिकेतन पन्हाळा कडून विकास सिंग आणि वन्सिंबाने प्रत्येकी दोन गोल तर अविनाशने एक गोल केला.