![](_MaharashtraNews1/u/pos/202407/1000656546--800.jpg)
महाराष्ट्र न्यूज वन प्रतिनिधी कोल्हापूर: कोल्हापुरात फुटबॉलच्या विकासासाठी निवासी फुटबॉल केंद्र सुरू करावे, या मागणीसाठी जुना बुधवार पेठेतील अकॅडमीच्या वतीने ज्युनिअर फुटबॉल खेळाडूंनी शहरातून रॅली काढली. रॅलीच्या वतीने जिल्हा क्रीडा अधिकारी निलिमा आडसुळ यांना निवेदन देण्यात आले. सेक अकॅडमीच्यावतीने शहरात गुरुवारी सकाळी भर पावसात सकाळी १० वाजता जुना बुधवार पेठेतील तोरस्कर चौकातून रॅलीस प्रारंभ करण्यात आला. कोल्हापुरात निवासी फुटबॉल केंद्र सुरू करावे अशा घोषणा खेळाडूंनी दिल्या. तोरस्कर चौक, शिवाजी चौक, भवानी मंडप येथील क्रीडा स्तंभास वंदन करून शिवाजी स्टेडियम येथील जिल्हा क्रीडा अधिकारी कार्यालयात रॅली आली. अकॅडमीच्या वतीने जिल्हा क्रीडा अधिकारी निलिमा अडसूळ यांना निवासी फुटबॉल केंद्र कोल्हापुरात व्हावे या या मागणीचे निवेदन देण्यात आले. निवेदनात असे म्हटले आहे की, आमच्या अकॅडमीच्या माध्यमातून लहान मुलांचे फुटबॉल प्रशिक्षण वर्ग जुना बुधवार पेठ, उत्तरेश्वर, शनिवार, शुक्रवार, आंबेवाडी आधी भागातील मुलांसाठी घेतो.
या माध्यमातून आम्हाला हे जाणवले की, लहान मुलांसाठी पायाभूत सुविधा,योग्य आहार, शारीरिक तंदुरुस्ती, मार्गदर्शन, दर्जेदार प्रशिक्षक याची गरज आहे. निवासी प्रशिक्षण संस्था,अकॅडमी कोल्हापुरात जास्त प्रमाणात झाल्यास दर्जेदार खेळाडू कोल्हापूरमध्ये घडतील. हे खेळाडू देशाचे तसेच आय लिग, आय एस एल, युथ लीग चे प्रतिनिधित्व भविष्यात करतील याची आम्हाला विश्वास वाटतो. निवेदन दिल्यानंतर रॅली महाद्वार रोड येथून जुना बुधवार पेठेत विसर्जित केली. अकादमीचे अध्यक्ष अनिल आडसुळे, दिग्विजय सुतार,मंथन सातपुते,पियुष शिंदे,श्लोक कांबळे यांच्या मार्गदर्शनाखाली निघालेल्या रॅलीत समर्थ निकम ,अबुजर खलिफा, समर्थ वरेकर, नवमान मुजावर, सुजल बाबर, पियुष शिंदे, साद पत्रीवाली, मेघराज खाडे, विराज जाधव, राजवीर भालेराव,मंथन सातपुते,श्रवण बिरंजे,मुल्तझीम मुल्ला, बिलाल सय्यद, आदित्य पाटील, फरहान महात, दक्ष शिंदे विराज निगडे,अरिहंत जैन,फरान बागवान, आयान बावडेकर, श्रीवर्धन कदम, हर्षवर्धन कांबळे, श्लोक कांबळे यांचा समावेश होता.