महाराष्ट्र न्यूज वन प्रतिनिधी, कोल्हापूर : वारणानगर  येथील तात्यासाहेब कोरे अभियांत्रिकी मधील मेकॅनिकल विभाग आणि एआयसीटीइ (वाणी) यांच्या संयुक्त विद्यमाने “डिजिटल फाऊंड्री: आयओटी, रोबोटिक्स व ऑटोमेशन यांचे एकत्रीकरण” या विषयावर कार्यशाळा झाली. कार्यशाळेचे उद्घाटन मयुरा स्टील्स प्रायव्हेट लिमिटेडचे अध्यक्ष चंद्रशेखर डोली, वारणा शिक्षण मंडळाचे मुख्य कार्यकारी अधिकारी डॉ. व्ही. व्ही. कारजिन्नी, डॉ. एस. व्ही लिंगराजु यांच्या प्रमुख उपस्थितीमध्ये झाले.  डॉ. व्ही. व्ही. कारजिन्नी यांनी मातृभाषेतून शिक्षण हि काळाची गरज बनली आहे असे मत व्यक्त केले. उद्योजक चंद्रशेखर डोल्ली आपल्या यशस्वी वाटचालीचा जीवनपट सगळ्यांसमोर उलगडला. अधिष्ठाता डॉ. एस. एम. पिसे यांनी, बाहेरच्या प्रगत देशात शिक्षण मातृभाषेत दिले जाते तशेच आपल्या देशातील शिक्षण हि मातृभाषेतून व्हावे असे मत व्यक्त केले. प्राचार्य डॉ. डी. एन. माने यांनी विद्यार्थ्यांनी उत्स्फूर्त प्रतिसाद नोंदवावा असे सांगितले. समन्वयक डॉ. एम. एस. धुत्तरगाव यांनी या कार्यशाळेची वैशिष्ठे, उध्दिष्टये यांची माहिती दिली. कार्यशाळेत दीडशेहून अधिक विद्यार्थी, उद्योजक आणि प्राध्यापकांनी सहभाग नोंदविला आहे. प्रा. कृष्णकुमार जोशी आणि डॉ. नारायण धाराशिवकर यांनी सूत्रसंचालन केले. विभागप्रमुख डॉ. प्रमोद मुळीक यांनी आभार मानले.