महाराष्ट्र न्यूज वन प्रतिनिधी, कोल्हापूर : धरणक्षेत्रासह जिल्ह्यात
झालेल्या दमदार पावसामुळे नद्यांच्या पाणी पातळीत वाढ होत आहे. नदीकाठावरील लोकांना सतर्कतेच्या सूचना दिल्या आहेत. पंचगंगा नदीने इशारा पातळी ओलांडली आहे. सोमवारी, सकाळी ११ वाजता राजाराम बंधारा येथे पंचगंगा नदीची पातळी ३९ फुटावर पोहचली. 81 बंधारे पाण्याखााली आहेत. पुराचा धोका निर्माण झाला आहे.
रात्री बारा वाजता पंचगंगा नदीची पाणी पातळी ३८ फूट चार इंच होती. सकाळी सहा वाजता ३८ फूट सात इंचापर्यंत वाढली. एका तासाला साधारणपणे एक इंच पाणी पातळीत वाढ होत आहे.सकाळी दहा वाजता ३८ फूट ११ इंच होती. 39 फुटी पंचगंगा नदीची इशारा पातळी मानले जाते पंचगंगा नदीने इशारा पातळी ओलांडल्यामुळे नदीकाठावरील नागरिकांना सतर्कतेच्या सूचना करण्यात आल्या आहेत.