महाराष्ट्र न्यूज वन प्रतिनिधी, कोल्हापूर : महावितरण कोल्ऱ्हापूर परिमंडलच्या मुख्य अभियंता स्वप्निल काटकर व अधीक्षक अभियंता जी. एम लटपटे यांचा स्मॅक, केईए, गोशिमा आणि मॅक या औद्योगिक असोसिएशनतर्फे सत्कार करण्यात आला.
यावेळी स्मॅकचे चेअरमन सुरेन्द्र जैन यांनी या सर्व औद्योगिक संघटनांबद्दल तसेच औद्योगिक क्षेत्रामधील कामकाजाबाबत माहिती दिली. महाराष्ट्रात एमएसएमईचा सध्याचा सर्वात मोठा गड कोल्हापूर विभाग आहे. येथे सर्वाधिक उद्योगधंदे आहेत यामध्ये फाउंड्री आणि इंजिनिअरिंग, वस्त्रोद्योग व इतर उद्योगांचा समावेश आहे. कोल्हापूरा मधील स्थानिक उद्योजक येथे कार्यरत आहेत, या सर्वांनी स्वकष्टावर प्रगती साधत उद्योगांना मोठे केले असे ते म्हणाले.
महावितरणच्या कोल्हापूर परिमंडल मध्ये वीज गळतीचे प्रमाण फार कमी आहे तसेच वीज देयक ही वेळेवर अदा केली जातात, महावितरण कडून सुद्धा उद्योग क्षेत्राला नेहमीच सहकार्याची भूमिका असते याबद्दल जैन यांनी महावितरणचे कौतुक केले.
उद्यमनगरमध्ये अंडरग्राउंड वायरिंग करणेचे काम अद्यापी प्रलंबीत आहे तसेच शिरोली औद्योगिक क्षेत्रामध्ये मोबाईल व्हॅन ची सुविधा बंद आहे या दोन्ही बाबतीत मुख्य अभियंता स्वप्नील काटकर यांनी सकारात्मक प्रतिसाद देत व्यवस्था करण्याची ग्वाही दिली.
महावितरणच्या या नवनियुक्त अधिकाऱ्यांनी या चारही औद्योगिक क्षेत्रातील उद्योगांना सर्वतोपरी सहकार्य केले जाईल असे सांगितले. याप्रसंगी बाबासो कोंडेकर, कमलाकांत कुलकर्णी, नितीनचंद्र दळवाई, राजू पाटील, अतुल पाटील, संजय देशिंगे, कार्यकारी अभियंता शहर सुनिल माने [शहर], कार्यकारी अभियंता अभिजीत सिकणीस [प्रशासन], प्रदीप व्हरांबळे, कृष्णात सावंत उपस्थित होते.