महाराष्ट्र न्यूज वन प्रतिनिधी, कोल्हापूर : शाहू मिलच्या जागेत राजर्षी छत्रपती शाहू महाराजांचे आंतरराष्ट्रीय दर्जाचे स्मारक उभा करा अशी मागणी आमदार जयश्री जाधव यांनी केली आहे. स्मारकासाठी सरकारी पातळीवर हालचाली होत नसल्यामुळे त्यांनी सरकार विरोधात नाराजी व्यक्त केलीं. विधानभवनाच्या प्रवेशद्वारावर आंदोलन केले.
शाहू मिल येथे छत्रपती शाहू महाराजांचे आंतरराष्ट्रीय दर्जाचे स्मारक उभारण्यात यावे, यासाठी सातत्याने विधिमंडळामध्ये आवाज उठवला आणि न्याय मिळावा अशी भूमिका अनेकदा सभाग्रहामध्ये मांडली आहे. मुख्यमंत्री, उपमुख्यमंत्री यांना निवेदन दिली. यासाठी ठोस भूमिका घेत नसल्याबद्दल आमदार जाधव यांनी नाराजी व्यक्त केली. यावर्षी राजर्षी छत्रपती शाहू महाराजांची शतकोत्तर सुवर्ण महोत्सवी जयंती वर्ष आहे. यानिमित्ताने शाहू मिल मधील आंतरराष्ट्रीय दर्जाच्या छत्रपती शाहू महाराजांच्या स्मारकाच्या कामास सुरुवात करणे, हीच खऱ्या अर्थाने शाहू महाराजांना आदरांजली ठरेल असे मत आमदार जाधव यांनी व्यक्त केले.