महाराष्ट्र न्यूज वन प्रतिनिधी कोल्हापूर : भारतीय जनता पक्षाचे नेते किरीट सोमय्या हे सोमवारी (१६ जानेवारी) कोल्हापूर दौऱ्यावर येत आहेत. त्यांच्या उपस्थितीमध्ये सकाळी साडेदहा वाजता सर्किट हाऊस येथे कार्यकर्त्यांचा मेळावा होणार आहे. तत्पूर्वी ते सकाळी साडेनऊ वाजता करवीर निवासिनी अंबाबाई देवीचे दर्शन घेणार आहेत.
किरीट सोमय्या यांनी महाविकास आघाडीतील विविध नेत्यांच्यावर भ्रष्टाचाराचे आरोप केले आहेत. त्यांच्या आरोपानंतर अनेक नेत्यांच्या निवासस्थानावर ईडीची छापे पडले होते. तसेच चौकशी झाली आहे. सोमय्या यांनी राष्ट्रवादी काँग्रेसचे जिल्ह्यातील नेते हसन मुश्रीफ यांच्यावरही आरोप केले आहेत. दरम्यान मुश्रीफ यांनी सोमय्या यांनी केलेले सर्व आरोप फेटाळले आहेत. दरम्यान नुकतेच ईडीच्या अधिकाऱ्यांनी, मुश्रीफ यांच्या कागल व पुणे येथील निवासस्थानावर छापे टाकले आहेत.