महाराष्ट्र न्यूज वन प्रतिनिधी, कोल्हापूर : धरणक्षेत्रासह जिल्हयाच्या विविध भागात पावसाच संततधार कायम आहे. नद्यांच्या पाणी पातळीवत वाढ होत आहे. जिल्ह्यातील ७७ बंधारे पाण्याखाली आहेत. पंचगंगा नदींची पाणी पातळी राजाराम बंधारा येथे ३6 फूट एक इंचापर्यंत पोहचली आहे. राजाराम बंधारा येथे पंचगंगा नदीची इशारा पातळी ३९ फुटाला आहे. राधानगरी धरणातून १४५० क्युसेक पाण्याचा विसर्ग सुरू आहे. नद्यांचे पाणी पात्राबाहेर पडल्याने नागरिकांता सतर्कतेचा इशारा दिला आहे.
पंचगंगा नदीवरील शिंगणापूर, राजाराम, सुर्वे, रुई, इचलकरंजी, तेरवाड, शिरोळ व रुकडी, ताम्रपर्णी नदीवरील- कुर्तनवाडी, चंदगड, हल्लारवाडी, न्हावेली, उमगाव, कोकरे व कोवाड वेदगंगा नदीवरील- म्हसवे, शेणगाव, गारगोटी, निळपण, वाघापूर, कुरणी, बस्तवडे, चिखली व करडवाडी हिरण्यकेशी नदीवरील - साळगांव, विलजी, ऐनापूर व गिजवणे, दुधगंगा नदीवरील- दत्तवाड, सिध्दनेर्ली, सुळकूड व बाचणी कडवी नदीवरील- भोसलेवाडी, कोपार्डे, शिरगाव, सवते सावर्डे व सरुड पाटणे, वारणा नदीवरील -चिंचोली, तांदूळवाडी, कोडोली, माणगाव, खोची व शिगाव भोगावती नदीवरील- हळदी, राशिवडे, सरकारी कोगे, शिरगाव व तारळे कुंभी नदीवरील- कळे, शेनवडे, मांडुकली व वेतवडे कासारी नदीवरील- येवलूज, पुनाळ तिरपण, ठाणे आळवे, कांटे, वालोली, बाजार भोगाव,पेंडाखळे, करंजफेण, कुंभेवाडी, सुसकेवाडी, नवलाचीवाडी-1 व नवलाचीवाडी-2 धामीण नदीवरील- सुळे, पनोरे व आंबर्डे घटप्रभा नदीवरील- हिंडगाव, कानडे-सावर्डे, आडकुर, तारेवाडी, कानडेवाडी, बिजूर भोगोली व पिळणी, तुळशी नदीवरील – बीड बंधारे असे एकूण ७७ बंधारे पाण्याखाली आहेत.