महाराष्ट्र न्यूज वन प्रतिनिधी, कोल्हापूर  : विवेकानंद कॉलेजमधील प्राध्यापक, प्रशासकीय सेवक  व विद्यार्थी , राष्ट्रीय सेवा योजना व एनसीसी विभागामार्फत पुरग्रस्तांना मदत करण्यात आली होती.  या उपक्रमाची दखल घेऊन उच्च व तंत्रशिक्षण विभागातर्फे विवेकानंद कॉलेजचा सन्मान करण्यात आला. उच्च व तंत्र शिक्षणमंत्री चंद्रकांत पाटील, उच्च व तंत्र शिक्षण विभागाचे संचालक डॉ. शैलेंद्र देवळाणकर व पुणे विद्यापीठाचे कुलगुरु . सुरेश गोसावी यांचे हस्ते मॉडर्न कॉलेज, पुणे येथे हा कार्यक्रम झाला.

श्री स्वामी विवेकानंद शिक्षण संस्थेचे मुख्य कार्यकारी अधिकारी कौस्तुभ गावडे यांच्या उपस्थितीत महाविद्यालयाच्या वतीने प्रभारी प्राचार्य डॉ.एस.पी.थोरात, डॉ संदीप पाटील, डॉ.ए.एस.कुंभार, डॉ.पी.आर.बागडे, डॉ ए एस महात यांनी हा पुरस्कार स्वीकारला. दरम्यान अतिवृष्टीने मराठवाडा विभाग व सोलापूर जिल्हयामध्ये मोठया प्रमाणात जनजीवन विस्कळीत झाले होते.  या परिस्थितीत उच्च व तंत्र शिक्षण विभागामार्फत विवेकानंद कॉलेजने पुरग्रस्तबाधित यशवंतराव चव्हाण महाविद्यालय, करमाळा दत्तक घेतले. विद्यार्थ्यांचे झालेले शैक्षणिक नुकसान त्याचप्रमाणे समाजाला पुन्हा उभारी देण्यासाठी महाविद्यालयाच्या सर्व घटकांनी विशेष मेहनत घेतली.  

 महाविद्यालयाचे तत्कालिन प्राचार्य डॉ. आर.आर.कुंभार यांच्या मार्गदर्शनाखाली शैक्षणिक साहित्य, कपडे व प्रवास खर्चासाठी विद्यार्थ्यांच्या खात्यावर रोख रक्कम, .खाद्य पदार्थ व आर्थिक मदत संकलीत करुन दत्तक दिलेल्या यशवंतराव चव्हाण महाविद्यालय, करमाळा येथे मदत पोहोच केली.या उपक्रमासाठी सर्व शिक्षक, प्रशासकीय सेवक, सहायक ग्रंथपाल हितेंद्र साळुंखे, रजिस्ट्रार एस के धनवडे यांचे विशेष सहकार्य लाभले.