महाराष्ट्र न्यूज वन प्रतिनिधी : कोल्हापूर प्रदूषण मुक्त करण्यासाठी मोठ्या प्रमाणावर देशी वृक्ष लागवड करून ती जगविणे हि काळाची गरज आहे. देशी झाडे लावून हा परिसर निसर्गरम्य बनविण्यासाठी सर्वांनी सहभागी व्हावे असे आवाहन जेष्ठ वनस्पती शास्त्रज्ञ डॉ. मधुकर बाचूळकर यांनी केले.
स्मॅक भवन व शिरोली औद्योगिक क्षेत्रात रस्त्यांच्याकडेने विविध ठिकाणी स्मॅक, एमआयडीसी व आझाद हिंद राष्ट्रीय चॅरिटेबल ट्रस्ट कोल्हापूर या संस्थेमार्फत शिरोली औद्योगिक क्षेत्रामध्ये मोठ्या प्रमाणावर झाडे लावण्याची मोहीम राबविण्यात येणार आहे. यासंबंधी चर्चा करण्यासाठी आयोजित बैठकीत ते बोलत होते.
बैठकीस एमआयडीसीचे कार्यकारी अभियंता आय. ए. नाईक, उप अभियंता [ स्थापत्य ] अजयकुमार जी. रानगे, शिरोली पोलीस ठाण्याचे सहा. पोलीस निरीक्षक पंकज गिरी, सार्वजनिक बांधकाम विभाग चे उद्यान परिवेक्षक किसन गिरी, शिवाजी विद्यापीठाचे गार्डन सुप्रीटेंडंट अभिजीत जाधव, आझाद हिंद चॅरिटेबल ट्रस्टचे राहुल मगदूम यांची उपस्थिती होती.
बैठकीचे आयोजक सुरेन्द्र जैन म्हणाले या मोहिमे अंतर्गत शिरोली औद्योगिक क्षेत्रामध्ये नैसर्गिकरित्या सुशोभीकरण करण्यात येणार आहे. लावलेल्या झाडांची निगा व देखभाल कारखानदारांनी करण्याची संकल्पना या मोहिमे पाठीमागे आहे.
या मोहिमेसाठी रोड मॅप तयार करण्यात येऊन, जनजागरणासाठी आकर्षक टॅग लाईन देण्यात येणार आहे. याप्रसंगी कार्यकारी अभियंता आय ए नाईक, उपअभियंता अजयकुमार रानगे, उद्यान पर्यवेक्षक किसन गिरी, राहुल मगदूम यांनी मनोगत व्यक्त केले.
बैठकीस स्मॅकचे ऑ. सेक्रेटरी भरत जाधव, खजानिस बदाम पाटील, संचालक राजू पाटील, शेखर कुसाळे, निमंत्रित सदस्य दीपक घोंगडी, विनय लाटकर, किरण चव्हाण, समिती सदस्य एम. वाय. पाटील, जयदत्त जोशीलकर उद्योजक निशिकांत खाडे, कुमार साळुंखे, सहदेव वरुटे, सुधाकर कुंभार, हरिभाऊ, सचिन पाटील आदी उपस्थित होते.