![](_MaharashtraNews1/u/pos/202406/1000494697--800.jpg)
महाराष्ट्र न्यूज वन प्रतिनिधी कोल्हापूर : कोल्हापूर डिस्ट्रिक्ट बँडमिंटन असोसिएशनच्या सुवर्णमहोत्सवी वर्षानिमित्त २८ ते ३० जून २०२४ या कालावधीत जिल्हास्तरीय बँडमिंटन स्पर्धा होत आहे. या स्पर्धेत १८० खेळाडूंचा सहभाग आहे. विजेत्या खेळाडूंना रोख बक्षीस, मानचिन्ह देऊन सन्मानित करण्यात येणार असल्याची माहिती असोसिएशनचे अध्यक्ष सतीश घाटगे यांनी पत्रकार परिषदेत दिली.
अंबाई डिफेन्स येथील बँडमिंटन कोर्ट येथे ही स्पर्धा होणार आहे. या स्पर्धेसाठी कोल्हापुरातील शिरगावकर ग्रुप ऑफ इंडस्ट्रीज हे मुख्य प्रायोजक आहेत. कॅस्प्रो ग्रुपचे प्रकाश राठोड आणि मिराशा शेपर्सचे आदित्य शहा यांचेही या स्पर्धेसाठी सहकार्य लाभले आहे. २८ जून रोजी सकाळी ९ वाजता स्पर्धेचे उद्घाटन होईल. २८ ते ३० जून या कालावधीत दिवसभर स्पर्धा होतील. ३० तारखेला अंतिम सामना व बक्षीस समारंभ आहे.
बँडमिंटन खेळाला प्रोत्साहन देण्यासाठी असोसिएशन सातत्याने प्रयत्नशील आहे. जिल्ह्यात मोठया संख्येने खेळाडू तयार होत आहेत. स्पर्धेतील सहभाग खेळाडूंना प्रमाणपत्रे दिली जाणार आहेत. स्पर्धेत एकूण १७ इव्हेंटस होतील असे अध्यक्ष घाटगे यांनी सांगितले. पत्रकार परिषदेला असोसिएशनच्या सचिव वर्षादेवी नाडगोंडे, सचिव विनोद भोसले, खजानिस चंद्रशेखर सोवनी, सुमित चौगुले, आशिष आमण्णा आदी उपस्थित होते.