महाराष्ट्र न्यूज वन प्रतिनिधी कोल्हापूर ,: जिल्हास्तरीय सुब्रतो मुखर्जी फुटबॉल स्पर्धा 12 ते 15 जुलै 2024 या कालावधीत तात्यासाहेब कोरे मिलिटरी अकॅडमी (सैनिक स्कूल) नवे पारगाव, विनयनगरच्या क्रीडांगणावर होणार असल्याची माहिती सैनिक स्कूल चे प्राचार्य टी बी -हाटवळ, समन्वयक डॉ. एम. टी. कलाधरण व वारणा विद्यालयाचे मुख्याध्यापक एम. बी. मलमे यांनी दिली आहे.
क्रीडा व युवक सेवा संचालनालय महाराष्ट्र राज्य पुणे , कोल्हापूर जिल्हा परिषद व जिल्हा क्रीडा कार्यालय कोल्हापूर आयोजित जिल्हास्तरीय सुब्रतो मुखर्जी फुटबॉल स्पर्धा 2024 चे आयोजन जिल्ह्यातील एकमेव सैनिक स्कूल तात्यासाहेब कोरे मिलिटरी अकॅडमी विनयनगर व श्री वारणा विद्यालय वारणानगर यांच्या संयुक्त विद्यमाने तात्यासाहेब कोरे मिलिटरी अकॅडमी (सैनिक स्कूल) च्या नवे पारगाव येथील क्रीडांगणावर 12 जुलै, 13 जुलै, 14 जुलै व 15 जुलै रोजी होत आहे. स्पर्धेचे उद्घाटन वारणा विद्यापीठाच्या परीक्षा नियंत्रक प्रा.डॉ.शोभा कुंभार व जिल्हा क्रीडा अधिकारी अरुण पाटील यांच्या हस्ते होणार आहे .
जिल्ह्यातील शालेयस्तरावरील प्रतिष्ठित फुटबॉल स्पर्धा म्हणून सुब्रतो मुखर्जी फुटबॉल स्पर्धा मानांकित आहे. जिल्ह्यातील सर्व शाळांमधील फुटबॉल संघ या स्पर्धेत सहभागी होणार आहेत.