![](_MaharashtraNews1/u/pos/202407/1000648907--800.jpg)
महाराष्ट्र न्यूज वन प्रतिनिधी, कोल्हापूर : बहुद्देशीय ब्राम्हण संघाच्या पुढाकारातून आरकेनगर येथील देशभक्त रत्नाप्पा कुंभार हायस्कूलमधील विद्यार्थ्यांना शालेय साहित्य आणि दप्तर वाटप करण्यात आले. खासदार धनंजय महाडिक, बहुउद्देशीय ब्राह्मण संघचे अध्यक्ष जयंत हरळीकर, शिक्षण संस्थेचे अध्यक्ष नानासो नष्टे, उपाध्यक्ष महादेव पोवार, सचिव डॉ. सतीश घाळी यांच्या हस्ते हा कार्यक्रम झाला. ६०० विद्यार्थ्यांना या उपक्रमाचा फायदा झाला.
बहुद्देशीय ब्राम्हण संघाची २०१७ मध्ये स्थापना झाली. सर्वांना एकत्र करून, समाजासोबत स्वत:च्या उद्योग - व्यवसायाचा विकास तसंच इतर समाजाला मदतीचा हात देण्यासाठी उपक्रम राबवले असे अवधूत जोशी यांनी सांगितलं. विद्यार्थ्यांनी भविष्यात इतरांना मदतीची भावना ठेवावी. त्यामुळं मदतीची साखळी निरंतन राहील, असा विश्वास त्यांनी व्यक्त केला.
स्कॉलरशिप परिक्षेत यश मिळवलेल्या शार्विल ढगे या विद्यार्थ्याचा खासदार महाडिक यांच्या हस्ते रोख रक्कम देऊन सत्कार करण्यात आला.
शिक्षण संस्थेचे अध्यक्ष नष्टे यांनी, या उपक्रमाचं कौतुक केले. तसेच शाळेतील दर्जेदार शिक्षण आणि या शाळेच्या गरजांविषयी मत व्यक्त केलं. यावेळी सचिन जनवाडकर, संजय जोशी, प्रसाद कुलकर्णी, हर्षांक हरळीकर, सौ व्ही पी बिर्जे, दिलीप धर्माधिकारी, मिलिंद सिन्नरकर, दिलीप वाडकर, दिलीप धर्माधिकारी, विशाल दड्डीकर, दिपक देशपांडे, श्रुती जोग आदी उपस्थित होते.