![](_MaharashtraNews1/u/pos/202407/1000653814--800.jpg)
महाराष्ट्र न्यूज वन प्रतिनिधी : वळसंग येथील चव्हाण वस्ती, शाळेतील विद्यार्थ्यांना शैक्षणिक साहित्य वाटपाचा कार्यक्रम झाला. सिद्धेश्वर चव्हाण यांच्या पुढाकारातून या उपक्रमाचे आयोजन केले होते. शाळा व्यवस्थापन समितीचे अध्यक्ष अनिल पाटील यांचे प्रतिनिधी म्हणून मेघा पाटील, सामाजिक कार्यकर्ते रमेश माळी, मुख्याध्यापक चंद्रकांत जाधव यांच्या उपस्थितीमध्ये शैक्षणिक साहित्य वितरित केले. चव्हाण वस्ती शाळा येथे इयत्ता पहिली ते चौथीपर्यंतची शाळा भरते. या विद्यार्थ्यांना शैक्षणिक साहित्याची मदत करण्यात आली याप्रसंगी शिक्षक एम. आर. कुलाळ, वसंत चव्हाण, चिदानंद माळी, कृष्णा चव्हाण, संभाजी चव्हाण, बाळासाहेब चव्हाण यांच्यासह व्यवस्थापन समिती सदस्य, पालक, अंगणवाडी सेविका उपस्थित होत्या.