महाराष्ट्र न्यूज वन प्रतिनिधी : कोल्हापूर जिल्हा सहकारी दूध उत्पादक संघातर्फे (गोकुळ) आषाढी एकादशीनिमित्त प्रति पंढरपूर असलेल्या नंदवाळ ते कोल्हापूर या मार्गावर पुईखडी येथे भाविक भक्तांना सुगंधी दूध, खिचडी व सार्थ हरिपाठ पुस्तिका वाटप करण्यात आले. गोकुळचे चेअरमन अरुण डोंगळे यांच्या हस्ते व संचालक मंडळाच्या उपस्थितीमध्ये हा कार्यक्रम झला.
आषाढी एकादशी निमिताने कोल्हापूर ते प्रति पंढरपूर असलेल्या नंदवाळ ता. करवीर येथे पायी दिंडी निघत असते. या दिंडीमध्ये कोल्हापूर तसेच ग्रामीण भागातील मोठ्या प्रमाणात भाविक भक्त येत असतात. या पायी दिंडीचे औचित्य साधून दिंडीतील भाविकांना गोकुळतर्फे ५००० सुगंधी दूध पिशवी तसेच खिचडी व सार्थ हरिपाठ पुस्तिका वाटप केले. भाविकांनी त्याचा लाभ घेतला.
याप्रसंगी ज्येष्ठ संचालक विश्वास पाटील, बाबासाहेब चौगले, अजित नरके, संभाजी पाटील, प्रकाश पाटील, बाळासाहेब खाडे, कार्यकारी संचालक योगेश गोडबोले, मार्केटिंग व्यवस्थापक हनमंत पाटील, उपेंद्र चव्हाण, जनसंपर्क अधिकारी सचिन पाटील, संग्राम मगदूम, लक्ष्मण धनवडे, उल्हास पाटील, महिला नेतृत्व अधिकारी संपदा थोरात, संघाचे अधिकारी कर्मचारी व महिला स्वयंसेविका आदि उपस्थित होते.