महाराष्ट्र न्यूज वन प्रतिनिधी कोल्हापूर :  कागल तालुक्यातील 

बाचणी येथे ग्रामस्थांनी आषाढी एकादशीनिमित्त दिंडी सोहळ्याचे आयोजन केले होते. पंढरपूरला निघालेल्या दिंडीचे  पालकमंत्री नामदार हसन मुश्रीफ यांनी  दर्शन घेतले. तसेच  गळ्यात विना घेऊन वारकऱ्यांच्या समवेत दिंडीत सहभागी झाले. विठोबा - रखुमाईच्या गजरात सारा गाव दुमदुमून गेला. या दिंडीत न्यू हायस्कूल, दिशा अकॅडमी, ज्ञानप्रबोधिनी, शांती गुरुकुल इंग्लिश स्कूल या शाळांचे विद्यार्थी सहभागी होते. यावेळी कोल्हापूर शेती उत्पन्न बाजार समितीचे संचालक व माजी सरपंच सूर्यकांत पाटील, जिल्हा परिषदेचे माजी सदस्य मनोज फराकटे, प्रकाश पाटील, राजेंद्र सुतार, रामचंद्र पाटील, अंकुश हातकर, हिंदुराव पाटील, राजेंद्र सुतार, विठ्ठल खामकर, एम. एस. खामकर, बाबुराव पाटील, नामदेव सडोलकर, रेखा पाटील, पांडुरंग पाटील, अंजना सुतार उपस्थित होते.