महाराष्ट्र न्यूज वन प्रतिनिधी, कोल्हापूर :  श्री स्वामी विवेकानंद शिक्षण संस्थेचे मुख्य कार्यकारी अधिकारी कौस्तुभ गावडे यांच्या वाढदिवसानिमित्त आयोजित रक्तदान शिबिरात २०० रक्तदात्यांनी सहभाग घेतला. रक्तदान करणाऱ्या प्रत्येक रक्तदात्याला भेटवस्तू देण्यात आल्या.  श्री स्वामी विवेकानंद शिक्षण संस्थेच्या सेवकांची सहकारी पतसंस्था आणि बॉम्बे ब्लड ग्रुप ऑर्गनायझर, महाराष्ट्र यांच्या संयुक्त विद्यमान  रक्तदान शिबीर झाले.दरम्यान शिक्षण संस्थेचे कार्याध्यक्ष प्राचार्य अभयकुमार साळुंखे व संस्था सचिव प्राचार्या शुभांगी गावडे यांच्या मार्गदर्शनाखाली शिबिर झाले.

 रक्तदान शिबिराचे उद्घाटन कौस्तुभ गावडे यांच्या हस्ते झाले.  याप्रसंगी ते म्हणाले, ‘रक्तदान सर्वात श्रेष्ठ दान असून रक्तदान केल्यामुळे एखाद्यास जीवदान तर मिळतेच पण त्याचबरोबर एका सामाजिक कार्यात सहभागी झाल्याचे समाधानही मिळते. ’श्री स्वामी विवेकानंद शिक्षण संस्थेच्या सेवकांची सहकारी पतसंस्थेचे अध्यक्ष हितेंद्र साळुंखे यांनी, गरजू रुग्णांना मोफत रक्त मिळविण्यासाठी 9970018001 या क्रमांकावर संपर्क साधावा असे आवाहन केले.

पतसंस्थेचे संचालक सुहास पाटील यांनी प्रास्ताविक केले. विनोद पन्हाळकर यांनी आभार मानले.  यावेळी विक्रम यादव, किर्ती कांबळे, सूरज देशमुख, ज्योती माने, नयुब मोमीन, सुहास पाटील, मुरलीधर गावडे, सांगली जिल्हा विभागप्रमुख प्राचार्य पी.एम.हाके, शिक्षणमहर्षी डॉ.बापूजी साळुंखे इन्स्टिटयूट ऑफ इंजिनिअरींग ॲण्ड टेक्नॉलॉजीचे प्राचार्य विरेन भिर्डी,  एन.सी.सी. प्रमुख कॅप्टन सुनीता भोसले, लेप्टनंट जितेंद्र भरमगोंडा, एन.एस.एस. कार्यक्रम अधिकारी प्रा.संदीप पाटील, डॉ. प्रदीप पाटील उपस्थिती होते