लोकनेते सदाशिवराव मंडलिक राष्ट्रीय साई कुस्ती संकुल मुरगूड ची कुस्तीगीर अमृता पुजारी ची ७२ किलो वजन गटामध्ये भारतीय कुस्ती संघात निवड झाली. १६ ते २४ जुलै २०२४ या कालावधीत स्पर्धा होणार आहे.

नोएडा स्टेडियम,नोएडा या ठिकाणी आज सुरू असलेल्या भारतीय कुस्ती संघाच्या कनिष्ठ आशियाई कुस्ती स्पर्धेसाठीच्या निवड चाचणी मध्ये  सेमी फायनल मध्ये दिल्लीच्या तन्नु वरती दुहेरी पट हे टेकनिक करत अमृताने चिटपटीने विजय मिळवत अंतिम फेरीत प्रवेश केला. अंतिम फेरीत हरियाणाच्या आंतरराष्ट्रीय पदक विजेती मंजू कुमारी हिच्या बरोबरच्या अटीतटीच्या लढतीत ०४ - ०३ अशा गुणाधिक्याने विजय मिळवत अमृताने भारतीय कुस्ती संघामध्ये आपले स्थान पक्के केले 

 जून महिन्यातील भारतीय कुस्ती संघाच्या वेगवेगळ्या निवड चाचणीतून दोन आशियाई कुस्ती स्पर्धेमध्ये भारताचे प्रतिनिधित्व करण्याची अमृताने ऐतिहासिक कामगिरी केली आहे. 

 अमृताची वरिष्ठ आशियाई कुस्ती स्पर्धेसाठी जॉर्डन या देशात होणाऱ्या स्पर्धेसाठी पण निवड झालेले आहे.