समिधा प्रतिष्ठान या  सेवा संस्थेच्या माध्यमातून मी गेली सुमारे वीस वर्षे विविध सामाजिक कामेही करतो आहे.  तसेच श्री करवीर निवासिनी अंबाबाई (महालक्ष्मी) हक्कदार श्रीपुजक मंडळाच्या सहकार्याने गेली बारा वर्षे मी शहरातील हजारो गरजू विद्यार्थ्यांना पूर्ण भरलेल्या दप्तरांचे वाटप करतो आहे. गेल्या वर्षातील केंद्र आणि राज्य सरकारच्या विविध योजनांचा गरजूंना फायदा व्हावा यासाठी माझ्या कार्यालयातून त्यांना सर्व प्रकारची सुविधा उपलब्ध करून दिली जाते.  माझी शैक्षणिक पात्रता, माझा संघटनात्मक अनुभव, कोल्हापूरच्या आणि कोल्हापूर महानगरपालिकेच्या बहुतांश समस्यांबाबत असलेला अभ्यास, महानगरपालिकेतील पदाधिकारी आणि अधिकार्‍यांची उघडकीस आणलेली भ्रष्टाचाराची प्रकरणे, लोकप्रतिनिधी म्हणून पाच वर्षाच्या काळात केलेले निष्कलंक काम आणि समाजातील अनेक स्तरातून, अनेक नामांकित प्रतिष्ठित लोकांचा आग्रह यामुळे विधानसभा निवडणूक लढविण्याची संधी मिळावी असे त्यांनी म्हटले आहे. पत्रकार परिषदेवेळी माजी नगरसेवक विजय खाडे, चंद्रकांत घाटगे, प्रदीप उलपे आदी उपस्थित होते.