महाराष्ट्र न्यूज वन प्रतिनिधी, कोल्हापूर : राजारामपुरी दीपा गॅस एजन्सी जवळ कनाननगर येथील युवकाच दगडाने ठेचून खून झाला आहे. पंकज भोसले असे खून झालेल्या युवकाचे नाव आहे.आज मंगळवारी दुपारी साडेतीन वाजण्याच्या सुमारास ही घटना घडली. या घटनेने परिसरात मोठी खळबळ उडाली आहे.
शहर पोलीस उपाधीक्षक अजित टिके, राजारामपुरी पोलिस निरीक्षक अनिल तनपुरे यांच्यासह पोलीस घटनास्थळी दाखल झाले आहेत. पोलिसांकडून पंचनामा करण्याचे काम सुरू आहे. कनान नगर परिसरात राहणाऱ्या तरुणांनीच हा हल्ला केल्याची प्राथमिक माहिती मिळाली आहे.