कोल्हापूर : नागाळा पार्क महाराष्ट्र गार्डन मधील झाड तुटून रस्त्यावर पडले. या रस्त्यावर वर्दळ नसल्याने जीवितहानी झाली नाही . कोल्हापूरात सातत्याने पाऊस आणि सोसाट्याच्या वारा यामुळे नेहमी रहदारी असलेल्या नागाळा पार्क येथील महाराष्ट्र गार्डन आणि मॅंगो एफ एमच्या कार्यालय समोरील रस्त्यावर महाराष्ट्र गार्डनमधील झाड उन्मळून रस्त्यावर पडले. महापालिका अग्निशामक दलाने आणि महावितरणच्या पदाधिकाऱ्यांनी तातडीने या ठिकाणी येऊन विद्युत पुरवठा बंद करून रस्त्यांवर पडलेले झाड काढले रस्ता वाहतुकीसाठी खुला केला. तसेच रात्री विद्युत पुरवठा ही सुरळीत करण्यात आला. यासाठी महावितरणचे अनिल रामणकट्टे आणि त्यांची सहकारी तसेच महानगरपालिकेच्या अग्निशामक दलाचे श्रीनिवास पाटील , माणिकराव कुंभार ,नवनाथ सांबळे मेहबुब जमादार आणि त्यांच्या सहकाऱ्यांनी तातडीने जेसीबी आणि कट्टर च्या साह्याने रस्त्यावरील झाड टप्प्याटप्प्याने तोडून रस्ता रहदारीस खुला केला .