महाराष्ट्र न्यूज वन प्रतिनिधी कोल्हापूर : तपोवन मैदानाजवळील ओम ऑर्थोपेडिक हॉस्पिटलने जैव वैद्यकिय कचरा तपोवन परिसरामध्ये टाकल्याचे निर्दशनास आल्याने आरोग्य घनकचरा विभागामार्फत पन्नास हजार दंड करण्यात आला. कारवाई सहायक आयुक्त कृष्णा पाटील यांच्या मार्गदर्शनाखाली आरोग्य घनकचरा व्यवस्थापन विभागाकडील विभागीय आरोग्य निरीक्षक ऋषिकेश सरनाईक, मुकादम राकेश पाटोळे व खलिद शेख यांनी केली.
महापालिकेमार्फत शहरातील सर्व वैद्यकिय व्यवसायिकांना जाहीर नोटीसद्वारे वैद्यकिय आस्थापनेतून (हॉस्पिटल, क्लिनिक व लॅब) मध्ये निर्माण होणारा जैव वैद्यकिय कचरा इतरत्र कोठेही न टाकता कोल्हापूर महापालिकेच्या अधिकृत वाहनाकडेच देण्याबाबत आवाहन केले होते.
दरम्यान गुरुवारी 30 मे 2024 रोजी ओम हॉस्पिटलने जैव वैद्यकिय कचरा तपोवन परिसरामध्ये टाकलेचे निर्दशनास आले. यामुळे दंडात्मक कारवाई करण्यात आले आहे. कोल्हापूर शहरातील व शहराबाहेरील सर्व वैद्यकिय व्यवसायिकांना आवाहन केले आहे की वैद्यकिय व्यवसायिकांनी त्यांच्या आस्थापनामध्ये निर्माण होणारा जैव वैद्यकिय कचरा कोल्हापूर महापालिकेने अधिकृत केलेल्या वाहनांकडेच जमा करावा. अन्यथा कचरा इतरत्र उघडयावर, नाल्यामध्ये टाकलेचे निदर्शनास आल्यास संबंधित आस्थापनेवर जैव वैद्यकिय कचरा व्यवस्थापन व नियंत्रण अधिनियम 1998 मधील तरतुदीनुसार कारवाई करण्यात येईल असे महापालिकेने म्हटले आहे.