महाराष्ट्र न्यूज वन प्रतिनिधी, कोल्हापूर : शाळा व  शिक्षकांंशी निगडींत विविध शैक्षणिक प्रश्नांंची सरकारने तातडीने सोडवणूक करावी, कंत्राटी भरतीचा निर्णय रद्द करावा आणि मार्च २०२४ मधील संचमान्यतेचा आदेश मागे घ्यावा यासाठी कोल्हापूर जिल्ह्यातील सर्व शाळा बुधवारी, (२५ सप्टेंबर २०२४) बंद ठेवण्यात येणार आहेत. या आंदोलनासाठी ४६ संघटना एकवटल्या आहेत. यादिनी शाळा बंद ठेवून जिल्हाधिकारी कार्यालयावर महामोर्चा काढण्यात येणार आहे. आंदोलनात प्राथमिक, माध्यमिक व उच्च माध्यमिक शाळांतील शिक्षक व शिक्षकेत्तर संघटनांचा सहभाग आहे.