महाराष्ट्र न्यूज वन प्रतिनिधी कोल्हापूर : 

 डी. वाय. पाटील पॉलिटेक्निकची 25 वर्षांची वाटचाल अतिशय कौतुकास्पद आहे. सुमारे १० हजार अभियंते या पॉलिटेक्निकच्या माध्यमातून घडले असून भविष्यात हे कॉलेज आणखी नावलौकिक मिळवेल असा विश्वास डी. वाय पाटील प्रतिष्ठानचे विश्वस्त आमदार ऋतुराज संजय पाटील यांनी व्यक्त केला. 

  कसबा बावडा येथील डी वाय पाटील पॉलिटेक्निक रौप्य महोत्सवी वर्षानिमित्त आयोजित कार्यक्रमात आमदार पाटील बोलत होते. डी वाय पाटील प्रतिष्ठानचे अध्यक्ष डॉ. संजय डी पाटील यांच्या अध्यक्षतेखाली झालेल्या या कार्यक्रमाला व्यासपीठावर कार्यकारी संचालक डॉ. ए. के. गुप्ता, संस्थेचे सचिव श्रीपाद धरणगुत्ती, पॉलिटेक्निकचे प्राचार्य डॉ. महादेव नरके, उपप्राचार्य नितीन माळी, रजिस्ट्रार महेश रेणके आदी उपस्थित होते. यावेळी मान्यवरांच्या हस्ते केक कापून रौप्य महोत्सव साजरा करण्यात आला. 

  प्राचार्य डॉ. महादेव नरके यांनी, पॉलिटेक्निकचे विद्यार्थी हेच आमचे ब्रँड ॲम्बेसिडर असल्याचे सांगितले. संस्थेतून शिक्षण घेतलेले विद्यार्थी आज देश आणि जगभरातील नामवंत कंपन्या शासकीय संस्था मध्ये कार्यरत असल्याचा अभिमान आहे. पॉलिटेक्निकच्या सातत्यपूर्ण यशस्वी कामगिरीबद्दल सलगपणे व्हेरी गुड श्रेणी मिळाली आहे.कार्यकारी संचालक डॉ. ए. के. गुप्ता यानी पॉलीटेक्नीकच्या प्रगतीबद्दल कौतुक केले 

  डी वाय पाटील पॉलिटेक्निकचे माजी प्राचार्य विनय शिंदे, अभय जोशी, डॉ. सतीश पावसकर यांच्यासह परदेशात उच्च शिक्षणासाठी शिष्यवृत्ती मिळवणाऱ्या शिवानी यादव, विकीराज माने, पार्थ पाटील यांचा यावेळी विशेष सत्कार करण्यात आला. यावेळी विनय शिंदे, अभय जोशी, डॉ. सतीश पावसकर, रोटरी क्लब ऑफ कोल्हापूर सेन्ट्रलचे अध्यक्ष संजय भगत, माजी विद्यार्थी विकीराज माने, आमित भोसले, माजी कर्मचारी नीता सूर्यवंशी पाटील, टी. सी. हजारे, एन.डी. देसाई यांनी मनोगत व्यक्त केले. डी वाय पाटील अभिमत विद्यापीठाचे कुलगुरू डॉ. आर. के. मुदगल, डी डी वाय पाटील कृषी व तंत्र विद्यापीठ तळसंदेचे कुलगुरू डॉ. के. प्रथापन, मेडिकल कॉलेजचे अधिष्ठाता डॉ. आर के शर्मा, सी एच आर ओ श्रीलेखा साटम उपस्थित होते.