Maharashtra News 1
Register
Breaking : bolt
गोकुळच्या जाजम-घडयाळ खरेदी प्रकरणाच्या चौकशीसाठी अधिकाऱ्याची नियुक्ती, पंधरा दिवसात अहवाल सादर होणारशिये फाटा येथे गोळीबार, संभापूरचा तरुण पोलिसांच्या ताब्यातथेट पाईपलाईन योजना म्हणजे कोल्हापूरच्या माथी मारलेला पांढरा हत्ती, सतेज पाटलांनी कोल्हापूरकरांची माफी मागावीखाजगी शिक्षक पतसंस्थेची मोबाईल बँकिंग सुविधा आदर्शवतवारणा विद्यापीठाच्या खेळाडूंची बास्केटबॉल राष्ट्रीय स्पर्धेसाठी निवडप्राथमिक शिक्षण विभागात गतीमान कामाचा धडाका, वर्षभरात ५७० जणांना पदोन्नती !करनूरमध्ये होणार दिव्यांग पुनर्वसन केंद्र ! मंगळवारी भूमिपूजन समारंभ !! सत्ताधाऱ्यांचे ऐकून महापालिकेच्या अधिकाऱ्यांकडून थेट पाइपलाइन योजनेत अडथळे-काँग्रेसच्या नगरसेवकांचा आरोपगणेशोत्सव कामासाठी महापालिकेकडून कर्मचाऱ्यांच्या नियुक्त्या ! शिक्षकांनी टाकला कामावर बहिष्कार !!कोल्हापुरातील डॉक्टर कुटुंबीयांची ४२ लाखाची आर्थिक फसवणूक

जाहिरात

 

गोकुळच्या बटरची परदेशातील ग्राहकांना भुरळ,४२० मेट्रिक टन लोणीची केली मागणी !!

schedule25 Nov 24 person by visibility 371 categoryउद्योग

 महाराष्ट्र न्यूज वन प्रतिनिधी, कोल्हापूर : उच्च प्रतीचं दूध आणि दर्जेदार दुग्धजन्य पदार्थाची निर्मिती, ही गोकुळची खासियत. गोकुळच्या दूध आणि दुग्धजन्य पदार्थांची चव साऱ्यांच्याच पसंतीस उतरली. देशातील एक आघाडीची दूध संघ म्हणून गोकुळची ओळख. गोकुळच्या दुग्धजन्य पदार्थांची भुरळ आता परदेशातील नागरिकांना पडलीय. अझरबैझान देशाने गोकुळकडे नव्याने ४२० मेटि्क टन लोणीची मागणी केली आहे.

  अझरबैझानमधील अटेना दूध संघाला गोकुळतर्फे २१० मेट्रिक टन लोणी रवाना कण्यता आले. चेअरमन अरुण डोंगळे व संचालकांच्या उपस्थितीमध्ये वातानुकूलित कंटेनरमधून लोणी पाठविले. याप्रसंगी बोलताना गोकुळचे चेअरमन डोंगळे म्हणाले, ‘गोकुळने पश्चिम आशियातील व पूर्व युरोपातील अरबैझान देशातील बाकू या प्रदेशातील अटेना दूध संघास या पूर्वी ४२ मेट्रिक टन गायीची देशी लोणी निर्यात केले होते. या निर्यात केलेल्या देशी लोण्याची गुणवत्ता व चव अझरबैजान व शेजारील देशातील ग्राहकांना आवडली. 

 गोकुळच्या देशी लोणीला मागणी वाढू लागल्याने अटेना डेअरीने गोकुळकडून पुन्हा एकदा नवीन ४२० टनाची मागणी केली असून यापैकी २१० मे.टन देशी लोणी रवाना केले. या निर्यातीमुळे अतिरिक्त गाय दुधापासून उत्पादित होणारे गायीचे देशी लोणी व दूध भुकटी याची निर्गत होण्यास मदत होणार आहे.

 गोकुळची उत्पादने व त्यांच्या गुणवत्तेबद्दल समाधान व्यक्त करून भविष्यात गोकुळची इतर दुग्धजन्य उत्पादने आयात करण्यास इच्छुक असल्याचे अटेना डेअरी यांच्यावतीने कळविले आहे. याचबरोबर कतार, ब्राझील, आफ्रिका, बांगलादेश या देशातून गोकुळच्या दूध भुकटी व देशी लोणीसाठी मागणी होत आहे.”असे डोंगळे यांनी सांगितले.              

याप्रसंगी ज्येष्‍ठ संचालक विश्वास पाटील, संचालक बाबासाहेब चौगले, अजित नरके, शशिकांत पाटील–चुयेकर, किसन चौगले, नंदकुमार ढेंगे, कर्णसिंह गायकवाड, संभाजी पाटील, प्रकाश पाटील, अमरसिंह पाटील, बयाजी शेळके, अंबरिषसिंह घाटगे, बाळासो खाडे, चेतन नरके, युवराज पाटील, राजेंद्र मोरे, मुरलीधर जाधव, कार्यकारी संचालक योगेश गोडबोले, बोर्ड सेक्रटरी प्रदीप पाटील, डेअरी महाव्यवस्थापक अनिल चौधरी, प्रशासन व्यवस्थापक रामकृष्ण पाटील, मार्केटींग व्यवस्थापक हणमंत पाटील, उपेंद्र चव्हाण, लक्ष्मण धनवडे उपस्थित होते.

जाहिरात

 
Copyright © 2025. All Rights Reserved by Maharashtra News 1.
Designed & Developed by Adhvik go Online
JSON Output

    
Settings
Theme
themes