महाराष्ट्र न्यूज वन प्रतिनिधी, कोल्हापूर :  भोपाळ येथे झालेल्या ६७ व्या राष्ट्रीय नेमबाजी स्पर्धेमध्ये विवेकानंद महाविद्यालयाची  विद्यार्थिनी कुमारी ज्ञानेश्वरी जयवीर पाटील हिला ५० मी. थ्री पोजिशन एअर रायफल मध्ये सिल्वर पदक मिळाले.  या यशाबद्दल ज्ञानेश्वरीचा श्री स्वामी विवेकानंद शिक्षण संस्थेचे मुख्य कार्यकारी अधिकारी कौस्तुभ गावडे यांच्या हस्ते सत्कार करण्यात आला. ती, एमएस्सी कम्प्युर सायन्स भाग दोनमध्ये शिकत आहे. या खेळाडूला संस्थेचे कार्याध्यक्ष्घ् प्राचार्य अभयकुमार साळुंखे, संस्थेच्या सचिव प्राचार्या शुभांगी गावडे, संस्थेचे सीईओ गावडे, महाविद्यालयाचे प्राचार्य डॉ. आर. आर. कुंभार यांचे प्रोत्साहन लाभले. जिमखाना विभागप्रमुख डॉ. विकास जाधव, प्रा. संतोष कुंडले, प्रा. समीर पठाण, प्रा. प्रशांत कांबळे, महाविद्यालयाचे रजिस्ट्रार आर. बी. जोग, सुरेश चरापले यांचे मार्गदर्शन लाभले.