महाराष्ट्र न्यूज वन प्रतिनिधी, कोल्हापूर : कसबा बावडा येथील राजर्षी शाहू विद्यामंदिर शाळा क्रमांक ११ मध्ये माजी विद्यार्थी यांनी शाळेला शैक्षणिक साहित्याची भेट दिली. त्यांनी शाळेच्या ग्रंथालयाला राजर्षी छत्रपती शाहू महाराज यांच्या जीवनावर आधारित ग्रंथ व मुलांना वह्या भेट दिल्या. यापुढे शाळेला जी काही मदत लागेल ती देण्यासाठी आम्ही शाळेचे माजी विद्यार्थी कधीही तयार आहोत असे सांगितले. ज्या शाळेने आम्हांला मोठे केले, त्या शाळेला आपण मोठे करू असे स्पष्ट केले. शाळेचे केंद्र शाळा मुख्याध्यापक  अजितकुमार पाटील यांनी उपस्थित सर्व ज्येष्ठ नागरिक जे शाळेचे माजी विद्यार्थी होते त्यांचे गुलाबपुष्प देऊन स्वागत केले.कार्यक्रमासाठी माजी विद्यार्थी व बालभारतीचे माजी भांडार व्यवस्थापक किशोर पाटील, मराठा बँकेचे सेवानिवृत्त व्यवस्थापक अजित पाटील, प्रेस व्यावसायियक शरद पाटील, महापालिकेतील सेवानिवृत्त अधिकारी कृष्णात मुळीक,नितीन रणदिवे उपस्थित होते. रावसाहेब किर्तीकर यांनी सूत्रसंचालन केले.