महाराष्ट्र न्यूज वन प्रतिनिधी, कोल्हापूर  : विधानसभा निवडणुकीत एकमेकांविरोधात आरोप, प्रत्यारोप करणारे जिल्ह्यातील प्रमुख नेते मंडळी कोल्हापूर जिल्हा सहकारी दूध उत्पादक संघाच्यावतीने आयोजित कार्यक्रमात शुक्रवारी, (दहा जानेवारी २०२५) एका व्यासपीठावर येत आहेत. गोकुळचे शिल्पकार व माजी चेअरमन आनंदराव पाटील चुयेकर यांच्या ११ व्या पुण्यतिथीनिमित्त कार्यक्रम होत आहे. गोकुळ शिरगाव एमआयडीसी येथील  गोकुळ दूध प्रकल्प येथे दुपारी ३.३० वाजता कार्यक्रम होणार आहे.

या कार्यक्रमात कोल्हापूर लोकसभा मतदारसंघाचे खासदार शाहू महाराज यांचा सत्कार करण्यात येणार आहेत.  गोकुळमधील सत्त्तारुढ आघाडीचे नेते व वैद्यकीय शिक्षणमंत्री हसन मुश्रीफ, आरोग्यमंत्री प्रकाश आबिटकर यांच्या सत्कार सोहळयाचे आयोजन केले आहे. हातकणंगले लोकसभा मतदारसंघातील शिवसेनेचे विजयी खासदार धैर्यशील माने यांचा सत्कार गोकुळ परिवारतर्फे सत्कार आहे. गोकुळमधील सत्ताधारी आघाडीचे नेते व काँग्रेसचे आमदार सतेज पाटील यांच्या अध्यक्षतेखाली हा कार्यक्रम होत आहे. गोकुळचे चेअरमन अरुण डोंगळे व कार्यकारी संचालक योगेश गोडबोल यांच्यासह संचालकांच्या प्रमुख उपस्थितीमध्ये हा कार्यक्रम होणार आहे.