महाराष्ट्र न्यूज 1 प्रतिनिधी, कोल्हापूर :
कोल्हापूर पॉवरलिफ्टींग असोसिएशनच्या मान्यतेने गारगोटी येथे झालेल्या पॉवरलिफ्टींग स्पर्धेत जिल्हा परिषद जिम्नॅशियमच्या खेळाडूंनी यश मिळवले आहे.
गारगोटी येथे ९ एप्रिल रोजी स्पर्धा झाली होती. यामध्ये साक्षी काळेने ६३ किलो वजन गटात सुवर्णपदक व रौप्यपदक जिंकले. दिक्षा दामुगडेने ७४ किलो वजन गटात सुवर्णपदक व रौप्यपदक तर अनुष्का शिंदेने ५३ किलो वजन गटात सुवर्णपदक जिंकले. अनिल शिंदे यांनी ७४ किलो वजन गटात सुवर्णपदक, सचिन लाड यांनी ६६ किलो वजन गटात सुवर्णपदक, जतिन शेंडगेने ८३ किलो वजन गटात सुवर्णपदक, निशांत कर्णिकने ८० किलो वजन गटात सुवर्णपदक, अभिनंदन पाटील व रणवीर पोतदार यांनी ७० किलो वजन गटात रौप्य पदक, विशाल दामुगडेने ८३ किलो वजन गटात ब्रॉन्झ पदक, आरुष शिंदेने ५३ किलो वजन गटात ब्रॉन्झ पदक जिंकले.
या खेळाडूंचा गुरुवारी, मुख्य कार्यकारी अधिकारी संजयसिंह चव्हाण यांनी यशस्वी खेळाडूंचे अभिनंदन केले. उपमुख्य कार्यकारी अधिकारी मनिषा देसाई यांच्या हस्ते खेळाडूंचा सन्मान करण्यात आला. याप्रसंगी अधीक्षक अजय शिंदे, अधीक्षक राहूल मोरे, लिपीकवर्गीय कर्मचारी संघटनेचे अध्यक्ष निलेश म्हाळुंगेकर यांची उपस्थित होती. जिमखाना प्रशिक्षक अनिल शिंदे यांचे खेळाडूंना मार्गदर्शन लाभले