महाराष्ट्र न्यूज वन प्रतिनिधी, कोल्हापूर : अखिल भारतीय मराठा महासंघाचे राष्ट्रीय उपाध्यक्ष वसंतराव मुळीक यांनी आगामी विधानसभा निवडणूक लढवावी असा आग्रह कार्यकर्त्यांच्या मेळाव्यात झाला. राजर्षी शाहू स्मारक भवन येथे हा मेळावा झाला. या मेळाव्यात बोलताना मुळीक यांनी, ‘महाविकास आघाडीने मला उमेदवारी द्यावी, मी सातत्याने लोकांसोबत आहे. शिव-शाहूंची विचारधारा जपणारा आहे.’असे सांगितले.
याप्रसंगी बोलताना मुळीक म्हणाले, ‘ गेली अनेक वर्षे मी समाजकारणात आहे. अनेक माणसे जोडली आहेत. कार्यकर्त्यांचा आग्रह आहे की, मी भेट घेतली आहे. महाविकास आघाडीकडून लढण्याची माझी तयारी आहे.’ याप्रसंगी गणी आजरेकर, सुनील जगताप, दगडू भास्कर, शाहीर दिलीप सावंत, शिरीष देशपांडे, डॉ. संदीप पाटील, सुनील कोल्हाटकर, चंद्रकांत पाटील, शशिकांत पाटील, शैलजा भोसले, शिवाजी माने, बाबासाहेब देवकर, टी. एस. कांबळे यांची भाषणे झाली. बबनराव रानगे यांनी प्रास्ताविक केले. याप्रसंगी कादर मलबारी, सोमनाथ घोडेराव, शंकरराव शेळके, महेश मछले, अशोक माळी आदी उपस्थित होते.