महाराष्ट्र न्यूज वन प्रतिनिधी, कोल्हापूर : करवीर विधानसभा मतदारसंघात आजअखेर तीन लाख २१ हजार ६५९ इतके मतदार आहेत. मतदारसंघामध्ये ३५८ मतदान केंद्रावर मतदानाची सुविधा आहे. अशी माहिती निवडणूक निर्णय अधिकारी व उपजिल्हाधिकारी वर्षा सिंघण यांनी दिली. नवीन मतदार नोंदणीची तारीख १९ ऑक्टोबर २०२४ पर्यंत आहे.
निवडणूक प्रकिया, मतदानाची केंद्राची माहिती यासंबंधी माहिती देताना सिंघण म्हणाल्या, ’करवीर विधानसभा मतदारसंघात पुरुष मतदार संख्या एक लाख ६६ हजार ६८९ इतकी आहे. स्त्री मतदार संख्या एक लाख ५९ हजार ९७० इतकी आहे. १८ ते १९ वयोगटातील एकूण मतदाराची संख्या ८०१८ आहे. दिव्यांग मतदाराची संख्या २९७१ आहे. ८५ वर्षाहून अधिक वयोगटातील मतदारसंख्या ४१८१ इतकी आहे. मतदारसंघात तीन आदर्श मतदान केंद्रे स्थापन केली जाणार आहेत. उमेदवारी अर्ज दाखल करणे, छाननी व माघार घेण्याचे ठिकाण बहुउद्देशीय हॉल रमणमळा येथे आहे.
पत्रकार परिषदेवेळी सहायक निवडणूक निर्णय अधिकारी तहसिलदार रुपाली रेडेकर, तहसिलदार बी. जी. गोरे, सोनाली माडकर, अलमास सय्यद आदी उपस्थित होते.