महाराष्ट्र न्यूज वन प्रतिनिधी कोल्हापूर : जिल्हा परिषदेतील जल जीवन मिशन प्रकल्पाच्या संचालक प्रियदर्शनी मोरे यांच्याकडे जिल्हा ग्रामीण विकास यंत्रणा प्रकल्प संचालक पदाचा कार्यभार सोपविण्यात आला आहे. जिल्हा ग्रामीण विकास यंत्रणेचे प्रकल्प संचालक डॉ.रवी शिवदास हे शुक्रवारी 30 सप्टेंबर रोजी सेवानिवृत्त झाले. त्यामुळे रिक्त झालेल्या पदाचा कार्यभार मोरे यांच्याकडे सोपवण्याचा आदेश मुख्य कार्यकारी अधिकारी संजयसिंह चव्हाण यांनी काढला. डॉ.शिवदास यांनी वेगवेगळ्या पदावर काम केले आहे. सामान्य प्रशासन अधिकारी, अतिरिक्त मुख्य कार्यकारी अधिकारी, जिल्हा ग्रामीण विकास योजना प्रकल्प संचालक या पदावर काम केले. त्यांच्याकडे काही काळ मुख्य कार्यकारी अधिकारी पदाची जबाबदारी होती.